رواية كاملة

حماتي دخلت علينا الشقة ومعاها كراتين، وغصبت بنتي تلم حاجتها وهي بتعيط، وقالتلها إن الأوضة دي خسارة فيها. بس لما جوزي كشف المستور وقال مين صاحب البيت الحقيقي، وشها جاب ألوان في ثانية.
البنت اللي مابتقدمش ولا بتأخر دي ميلهقهاش أوضة واسعة كدة.. ومن النهاردة، مالهاش مكان هنا.
ده اللي سمعته في الخلفية لما بنتي نور كلمتني وهي بتشهق من العياط في شقتنا في التجمع.
كنت في اجتماع في مكتب المحاسبة اللي شغال فيه، براجع حسابات عميل، وفجأة الموبايل اتهز تلات مرات ورا بعض. نور عندها 12 سنة، عاقلة وهادية ومابترنش أبدًا غير لو فيه مصيبة. النهاردة كان إجازة من المدرسة عشان تدريب المدرسين، وسيبتها في البيت بترسم وتتفرج على أفلام.
رديت فورًا
نور؟ في إيه يا حبيبتي؟
مسمعتش غير صوت نفسها وهو مخنوق من العياط
ماما.. هو أنا ليه مش هعيش هنا تاني؟
دمي اتجمد في عروقي
بتقولي إيه يا روحي؟ مين اللي قالك الكلام ده؟
تيتة إيفلين هنا.. وعمتو كريمة كمان.. وجايبين كراتين معاهم. بيقولوا إن عمتو هتيجي تعيش معانا عشان هي حامل تاني ومحتاجة أوضتي للبيبي. تيتة رمتلي شنطة سوداء وقالتلي لمي هدومك بسرعة.
قمت وقفت فجأة وخبطت على المكتب،

لدرجة إن كل اللي في الاجتماع اتنفضوا وبصوا لي.
نور، اسمعيني كويس.
. ماتحطيش فتلة واحدة في الشنطة دي. ادخلي حمامك واقفلي عليكي بالمفتاح وما تفتحيش لأي حد فيهم.
بس تيتة قالت إن بابا موافق.. وقالت إن البيت ملك ابنها وإنتي مالكيش كلمة هنا.
نار قادت في صدري وطلعت لحد حلقي.
حماتي إيفلين بقالها سنين بتعاملني كأني ضيفة تقيلة على زواجي. بالنسبة لها، ابنها ياسين ده الملاك المنزه، وبنتها كريمة هي الضحية الغلبانة، وأنا مجرد المحاسبة المحظوظة اللي ضحكت على ابنها ولبسته. وفي الوقت ده، كريمة كانت غرقانة في الديون، وحامل في العيل الرابع، وخناقات مع جوزها مابتخلصش، ومقتنعة إن الدنيا كلها لازم تشيلها.
لكن إنهم يقتحموا بيتي، ويرعبوا بنتي، ويقولولها إن مالكيش مكان هنا.. ده اللي مش هعديه أبدًا.
خرجت من المكتب من غير ما استأذن حد. وأنا في الأسانسير، طلبت ياسين.
أمك وأختك في الشقة، قلتها وصوتي بيترعش من الغضب، بيطردوا بنتك من أوضتها!
سكت لثانية ورد بصوت زي التلج أنا رايح حالا.
لما وصلت العمارة، لقيت عربية نقل عفش واقفة قدام الباب. وعند الأسانسير، لقيت شنط مدرسة نور، وكوتشياتها، وكتبها، وكرتونة فيها رسوماتها، مرميين في الأرض زي الزبالة.
وفوق الكرتونة ورقة مكتوبة بقلم أحمر أوضة البيبي الجديد.
مكونتش مصدقة اللي بيحصل ده..
طلعت الشقة والدم بيغلي
في عروقي، أول ما فتحت الباب لقيت كريمة واقفة في نص الصالة بتشاور للعُمال يحطوا كنبها القديم مكان ركنتي، وحماتي قاعدة على السفيرة بتشرب قهوة بكل برود وكأنها هي اللي غارمة وشايلة.
أول ما شافوني، حماتي إيفلين قامت وقفت وقالت بنبرة كلها غل جيتي في وقتك يا محاسبة، عشان تلمي باقي كراكيبك إنتي وبنتك.. البيت ده أولى بيه بنتي اللي مش لاقية حتة تولد فيها، بدل العز اللي البت بنتك عايشة فيه لوحدها ده.
بصيت لها ونفسي عالي وقلت إنتي إزاي تتجريء ترمي حاجة بنتي في الشارع؟ وإزاي تدخلي بيتي من غير إذني؟
ضحكت كريمة بسخرية وقالت بيتك؟ فوقي يا حبيبتي، ده بيت أخويا ياسين.. يعني بيتنا كلنا، وهو كتر خيره وافق إننا ننقل هنا عشان يوفر لي مصاريف الإيجار.
في اللحظة دي، الباب اتفتح ودخل ياسين وشكله كان يقطع الخميرة من البيت. حماتي جريت عليه بتمثيلية العياط شوفت يا ياسين؟ مراتك جاية تطرد أختك الحامل في الشارع وتقول علي بيتك إنه بيتها!
ياسين بص لأمه بنظرة غريبة، هادية زيادة عن اللزوم، وقال يا أمي، أنا فعلاً قلت لك إن كريمة محتاجة مساعدة، بس عمري ما قلت لك إنها تاخد أوضة بنتي ولا تطرد حد.
حماتي ردت بصوت عالي وماله؟ البنت تفرش مرتبة في الصالة، وأختك تاخد الأوضة.. إنت الراجل والكلمة كلمتك،
والبيت ده إنت اللي دافع فيه دم قلبك!
ياسين طلع ورقة من جيبه وفردها قدامهم على السفرة وقال ببرود ده اللي إنتي فاهمطاه يا أمي.. والظاهر إن ده الوقت اللي تعرفوا فيه الحقيقة. البيت ده مش ملكي، ولا أنا اللي اشتريته.
وش حماتي بدأ يصفر يعني إيه؟ أومال إيجار؟
ياسين بص لي وابتسم بمرارة وقال لا.. البيت ده ملك لمراتي المحاسبة اللي كنتوا بتستهزءوا بيها. هي اللي اشتريته بفلوس ورثها وشقاها من قبل ما نتجوز، وكتبته باسمها، وأنا هنا مجرد ضيف بفلوسي ومجهودي.. يعني لو فيه حد ليه حق يطرد حد، فهي صاحبة البيت.
كريمة سكتت فجأة ووشها جاب ألوان، وحماتي بدأت تتهته إيه؟ إزاي؟ يعني إنت شغال عندها؟
ياسين رد بقوة أنا شغال لبيتي ومراتي، بس البيت ده قانوناً وشرعاً بتاعها هي وبس. ودلوقتي، العُمال اللي بره دول يرجعوا كل حاجة مكانها، وحاجة كريمة تطلع بره حالا.. وقدامكم 5 دقائق، يا إما هطلب البوليس بتهمة اقتحام ملكية خاصة.
حماتي بصت للورقة وهي مش