رواية كاملة
مصدقة، وكريمة بدأت تلم في شنطها وهي بتبرطم، وأنا رحت جري على الحمام، فتحت لنور ، وقلت لها ماتخافيش يا حبيبتي.. محدش يقدر يمشيكي من مكانك طول ما أنا موجودة.
حماتي إيفلين فضلت واقفة مكانها زي الصنم، عينها رايحة جاية بين ياسين وبين عقد الشقة
اللي في إيده، والصدمة كانت لجمة لسانها.
إيفلين حاولت تجمع شتات نفسها وقالت بصوت مهزوز إنت أكيد بتهزر يا ياسين.. بتعمل كدة عشان تنصرها عليا؟ عايز تصغرني قدام أختك؟
ياسين رد بكل حسم أنا مابصغركيش، إنتي اللي صغرتي نفسك لما دخلتي بيت مش بيتك ورميتي حاجة بنتي في الطرقة كأنها غريبة. البيت ده بيت مراتي، وهي اللي كانت بتدفع أقساطه من قبل ما نكتب الكتاب، وأنا كنت موافق وشايف إن ده حقها وتأمين لمستقبلها.
في الوقت ده، كريمة أخت جوزي بدأت تعيط بجد، بس مش عشان صعبان عليها حالها، لا.. دي كانت بتعيط عشان الخطة فشلت يعني إيه يا ياسين؟ يعني أرجع الشقة الضيقة اللي كنت فيها؟ وأنا اللي قلت لجوزي إننا خلاص ارتحنا من الهم؟
ياسين بصلها ببرود وقال دي مشكلتك يا كريمة، مش مشكلتنا. اللي عايز يرتاح يتعب ويشقى، مش يروح يسرق أوضة عيلة صغيرة ويرعبها.
حماتي لفت وشها ليا، ولأول مرة أشوف في عينها نظرة انكسار ممزوجة بغل، وقالت بمرارة بقى إنتي يا محاسبة يا فقرية تضحكي على
ضحكت بوجع وقلت لها أنا ما ضحكتش على حد، أنا اشتريت مالي بمالي. والبيت اللي كنتوا فاكرين إنكم هتمتلكوه بوضع اليد، طلع ليه صاحبة بتعرف تحميه كويس. ودلوقتي يا طنط، اتفضلي
خدي بنتك والعمال دول، وكل كرتونة دخلت هنا تطلع فوراً، وإلا فعلاً هكلم المحامي يعمل محضر إثبات حالة باقتحام الشقة.
حماتي شدت شنطتها من على السفرة بعصبية وهي بتبرطم ماشي يا ياسين.. بعت أمك وأختك عشان خاطر واحدة غريبة، بكره تدور الأيام وتعرف مين اللي كان باقيلك.
ياسين فتح لها الباب وقال الغريبة دي هي اللي صانتني وصانت بيتي، واليوم اللي دارت فيه الأيام هو النهاردة، لما عرفت إنكم مش جايين تزورونا، إنتم جايين تنهبونا.
خرجوا هما الاتنين والعمال وراهم بيجروا العفش اللي لسه ما نزلش من على كتافهم، والصمت ساد المكان. ياسين قفل الباب بالمفتاح وسند ضهره عليه وتنهد تنهيدة طويلة.
قربت منه وقلت له شكراً إنك وقفت جنبي يا ياسين.
بص لي بحزن وقال أنا اللي آسف يا سارة أو باسمك، آسف إني سمحت ليهم يتجرأوا ويوصلوا للمرحلة دي. بس من النهاردة، مفيش مفتاح للشقة دي هيكون مع حد غيرنا.
دخلنا سوا للأوضة، ولقينا نور قاعدة على السرير بتترعش، أول ما شافتنا جريت ل ياسين وهي بتقول بابا، بجد مش همشي من هنا؟
ياسين
عدى اليوم ده وكأنه كابوس وانتهى، بس
من جوايا كنت عارفة إن اللي حصل مش هيعدي بالساهل. ياسين فضل قاعد معانا طول الليل، بيحاول يضحك نور ويخرجها من حالة الرعب اللي عاشتها، بس عينيه كانت مليانة تفكير وكأنه بيعيد حساباته في كل الناس اللي حواليه.
تاني يوم الصبح، وأنا بجهز القهوة، لقيت تليفون ياسين مابيبطلش رن. كانت أمه إيفلين. ياسين بص للموبايل بضيق وقفله خالص.
مش هترد عليهم؟ سألته بهدوء.
رد وهو بيفرك وشه بتعب هقول إيه يا سارة؟ هسمع كلمتين سم ولا هسمع كريمة وهي بتعيط وتطلب فلوس عشان تولد؟ أنا قفلت الصفحة دي دلوقتي، أهم حاجة عندي إنتي ونور.
وفجأة، الباب خبط خبطات قوية ومنتظمة. قلبي وقع في رجلي، افتكرتهم رجعوا تاني. ياسين قام فتح وهو مستعد للمواجهة، بس اتفاجئ ب عادل جوز كريمة واقف قدام الباب وشكله شايط.
أهلاً يا نسيب! قالها عادل بسخرية وهو بيزق الباب ويدخل، بقى بتطرد مراتي الحامل في الشارع يا ياسين؟ وبتقول إن الشقة باسم الهانم؟ ده إحنا صعايدة وبنفهم في الأصول، والست مالهاش غير بيت جوزها.
ياسين وقف قدامه زي الحيطة الأصول اللي بتعرفها دي يا عادل، بتقول إنك تلم مراتك وتصرف عليها وتوفر لها
عادل
صوت علّي البيت ده بيت عيلة، وطالما إنت ساكن فيه يبقى من حق أختك تقعد معاك، خصوصاً وهي ظروفها صعبة.
هنا مقدرتش أسكت، طلعت ووقفت جنب ياسين وقلت له بكل برود الظروف الصعبة دي تتحل في بيت جوزها، مش في بيتي. والورقة اللي ياسين ورّاها لأمك وأختك امبارح، نسخة منها مع المحامي بتاعي. يعني أي محاولة تانية للدخول هنا، هتتحول لقضية جنائية.
عادل بص لي بشر وقال بقى كدة؟ ماشية بالورقة والقلم يا محاسبة؟ طيب تمام.. طالما الحكاية بقت كدة، يبقى ياسين يرجع لنا كل قرش صرفه أبويا الله يرحمه على تعليمه وجهازه، مش هو بقى عايش في بيت مراته؟ يبقى مالهوش حق في
مليم من ورث أبوه.
ياسين ضحك بمرارة ورث؟ إنت بتتكلم عن أنهي ورث يا عادل؟ إنت وكريمة وأمي أخدتوا المحل والبيت القديم، وأنا طلعت بشنطة هدومي وقلت مش عايز حاجة عشان كريمة تتستر. ودلوقتي جاي تطالب بفلوس تعليمي؟
عادل كمل بوقاحة أيوة، يا إما كريمة تيجي تقعد هنا في أوضة البنت، يا إما تدفع لنا تعويض عن حقنا اللي ضاع في تعليمك.
ياسين بصله بنظرة أخيرة كلها قرف، وسحب الموبايل من جيبه وطلب رقم.
أيوة يا متر.. ابعت لي العقد النهائي المسجل للشقة على الواتساب حالا.. ومعاه صورة من التنازل
عامله لأختي عن نصيبي
