رواية كاملة

الحقيقة المرة.. الفلوس بتغير النفوس! 
أنا لسه بايعه شركتي ب 15 مليون دولار يعني حوالي 750 مليون جنيه مصري بالصلاة على النبي. لسه هفرح، لقيت أمي بتقولي بلهجة تخوف
يا بنتي، روحي قولي لأهل جوزك إنك أفلستي والشركة ضاعت.. اسمعي مني وماتجادليش!
أنا قولت أمي كبرت وخرفت وبقت دراما زيادة، ده أنا لسه بايسة راسي وجوزي دانيال قالي دي بدايتنا الجديدة، وحمايا وحماتي بقوا فجأة سمن على عسل وبيموتوا فيا.. بس قولت أمشي وراها وأشوف أخرتها. بلغتهم إن الصفقة باظت، وإن الحسابات اتجمدت، وإننا على الحديدة.
اللي حصل الصبح خلاني أتأكد إن أمي دي وليّة من أولياء الله الصالحين! 
الساعة 6 الصبح، الباب كان هيتخلع من مكانه! خبط ورزع مش طبيعي وصراخ هز البيت
افتحي يا إيميلي! عارفين إنك جوه.. افتحي بدل ما نكسره!
وقفت على السلم مشلولة، الموبايل في إيدي وصوت أمي بيرن في ودني قوليلهم إنك فقرية.. ماتجادليش.
دانيال جوزي نزل جري من الأوضة، وشه أصفر ونهجه مش طبيعي مين دول يا إيميلي؟
قبل ما أنطق، صوت حماتي
شق الخشب يا بت افتحي! لازم نتكلم حالاً! صوتها

كان فيه غل عمري ما سمعته. وبعدين جيه صوت حمايا، واطي ومرعب ما تصعبيش الأمور على نفسك أكتر من كده!
رجعت لورا وأنا مرعوبة وقولت لدانيال اطلب البوليس يا دانيال!
المصيبة إن دانيال ماتحركش! بص للباب، وبعدين بصلي.. وللحظة شفت في عينه تردد مش خوف.. كأنه مستني اللحظة دي!
وفجأة الباب بدأ يتكسر فعلاً، والموبايل نور برسالة من أمي
أوعي تفتحيلهم.. ولو دانيال وقف بينك وبين باب المطبخ، اهربي فوراً!
رفعت عيني لقيت دانيال فعلاً سد الطريق قدامي!
أمي كان عندها حق.. هما مش جايين يواسوني في فقري، هما جايين ياخدوا نصيبهم من الوليمة اللي افتكروها لسه موجودة، ولما عرفوا إنها ضاعت.. قرروا يخلصوا الحكاية بطريقتهم!
تفتكروا دانيال متفق معاهم؟ وإيه اللي خلى أمي تتوقع كل ده؟
باقي القصة تحت في أول كومنت.. الصدمة في اللي جاي! 
نطقت الشهادة في سري وأنا شايفة دانيال بيقرب مني خطوة بخطوة، نظرة عينيه مكنتش نظرة جوزي اللي أعرفه، كانت نظرة حد بيحسب حسبة تانية
خالص.
دانيال، وسع من طريقي.. بقولك اطلب البوليس! صرخت فيه وأنا جسمي كله بيتنفض.
بص لي ببرود وقال بوليس إيه يا إيميلي؟ دول أهلي.. هما بس محتاجين يضمنوا حقهم.. إنتي عارفة إننا كنا معتمدين على الفلوس دي عشان نسدد ديون أبويا ونقلب حياتنا.. إزاي تضيعي كل حاجة في لحظة؟
في اللحظة دي الباب انكسر فعلاً، ودخل حمايا وحماتي وهما زي الشياطين. حماتي مسكتني من دراعي بقوة فين العقود يا روح أمك؟ إحنا عارفين إنك بتكذبي.. مفيش صفقة بتبوظ في يوم وليلة كده.. إنتي عايزة تاكلي حقنا وتخلعي؟
حمايا قرب من دانيال وقاله فتشت الموبايل بتاعها؟ عرفت الحسابات راحت فين؟
دانيال بص في الأرض وقال بتقول الحسابات اتجمدت..
حماتي ضحكت ضحكة شريرة وقربت من وشي هتتفك.. غصب عنك هتتفك.. إنتي دلوقتي وسط أهلك، ومحدش هيعرف طريقك لو اختفيتي كام يوم لحد ما تمضي على التنازلات اللي محضرينها.
حسيت إن الدنيا بتلف بيا.. دانيال، الشخص اللي ائتمنته على حياتي، واقف يتفرج عليا وهما بيخططوا يخطفوني أو يخلصوا عليا عشان ورقة!
وفجأة.
. النور قطع في البيت كله!
سمعت صوت سرينة بوليس من بعيد، وصوت خبط شديد تاني بس المرة دي من الباب الخلفي.. وصوت أمي بيجلجل في المكان سيبوا بنتي يا شوية حرامية! البوليس محاصر المكان وكل حاجة متسجلة لايف!
في وسط العتمة والهرجلة، افتكرت نصيحة أمي الأخيرة.. زقيت حماتي بكل قوتي وجريت ناحية المطبخ. دانيال حاول يمسك طرف لبسي بس أنا كنت أسرع.. كنت بجري وأنا مش مصدقة إن المال السايب هو اللي كشف لي النفوس المريضة.
عايزين تعرفوا أمي عرفت خطتهم إزاي؟ وإيه السر اللي كانت مخبياه عن عيلة جوزي من سنين؟
التفاعل يا جماعة عشان أنزل الجزء الأخير.. الحقيقة هتصدمكم! 
وقفت بره البيت بنهج وأنفاسي مقطوعة، والبوليس كان فعلاً بدأ يكلبش حمايا ودانيال اللي كان واقف زي الفرخة المبلولة مش قادر ينطق بكلمة.. أمي جت عليا ، وأول كلمة قولتها لها وأنا بدمع عرفتي منين يا ماما؟ إزاي كنتِ عارفة إنهم هيعملوا كدة؟
أمي بصت لي بأسف وقالت لي يا بنتي، اللي عينه في جيبك عمره ما هيحب قلبك.. أنا من يوم فرحك وأنا
شفت حماكي بيسأل دانيال عن
رصيدك في البنك، واليوم اللي بعتي فيه الشركة، شفت دانيال بيكلم أمه في التليفون وبيقولها السمكة وقعت في الشبكة والورث بقى في إيدنا.. كان لازم أعملك الاختبار ده عشان تشوفي وشهم الحقيقي قبل ما تضيعي حياتك