وصية القلب الصغير حصري لموقع لمحه

بالك من مراتي وبنتي.. متسيبهمش.. وتاني طلب.. غريب شوية.. قال لي عايزك تعمل نفس الوشم اللي عندي.. في نفس المكان
اتصدمت وقلت ليه؟
قال قال لي.. عشان بنتي.. بنتي بتحب الوشم ده.. وبتطمن لما تشوفه.. ولو شافته عندك.. هتطمن.. وهتحس اني لسه معاها.. وقال لي.. لو في يوم بنتي شافت الوشم عندك وقالت بابا هناك.. اعرف انها لسه فاكراني.. واعرف اني مموتش
مقدرتش أمسك دموعي.. وبنتي بتبص لنا ومش فاهمة حاجة
قلت له وانت وافقت؟
قال في الأول قلت له انت بتهزر.. قال لي لا.. أنا بتكلم جد.. أنا عايز بنتي لما تكبر.. تفتكر ان صاحب أبوها.. شايل قلبها ورا ودنه زي أبوها.. عايزها تحس انها محمية.. حتى وأنا مش موجود
سكت شوية وبعدين كمل
يومها عملته.. رحت معاه.. وهو تعبان جدا.. وقعدنا في أوضة الوشم سوا.. وهو كان مبسوط أوي.. قال لي كده بنتي هيبقى عندها اتنين.. واحد في السما.. وواحد هنا.. ياخد باله منها
عيطت.. عيطت جامد.. وبنتي بقت تطبطب عليا وتقول لي متعيطيش يا ماما.. بابا هناك أهو
بصيت للمدير وقلت له وانت.. ليه مقولتليش؟.. بقالك سنة بتساعدنا وبتجيب لنا حاجات وتصلح لنا البيت.. وعمرك ما قولت انه موصيك؟
قال عشان هو حلّفني.. قال لي متقولش لمراتي اني موصيك.. خليها تفتكر انك بتعمل كده من نفسك.. عشان متحسش انها تقيلة على حد.. قال لي خليها تحس انها تستاهل تتحب.. من غير وصية
في اللحظة دي.. فهمت كل حاجة
فهمت ليه كان بيجيب لنا طلبات.. وليه كان بيصلح الحنفية.. وليه كان بيعدي كل يومين يسأل محتاجين حاجة ولا لا
مكنش بيعمل كده شفقة.. كان بينفذ وصية صاحبه.. وصية راجل بيحب مراته وبنته حتى وهو بيموت
قلت له أنا ظلمتك.. أنا افتكرت..
قال بسرعة افتكرتي ايه؟
سكت.. مكنتش قادرة أقول اني في لحظة.. شكيت انه واخد حاجة من جوزي.. او انه كان مخبي حاجة وحشة.. عشان منظره وهو بيخبي ودنه كان يخوف
قال أنا عارف انتي افتكرتي ايه.. افتكرتي اني سارق حاجة منه.. أو عامل حاجة غلط.. صح؟
هزيت راسي وانا مكسوفة
قال أنا عمري ما كنت هعمل كده.. ده كان صاحبي.. أخويا.. ده أنا اللي مربي بنتك على ايدي من وهي لسه مولودة.. ده أنا اللي كنت باخده المستشفى كل يوم.. ده أنا اللي غسلته لما مات
وقام.. وراح جاب من جوه البيت.. علبة صغيرة خشب.. واداها لي
فتحتها.. لقيت جواها جواب.. بخط جوزي
مكتوب عليه.. لبنتي.. لما تشوف القلب
فتحت الجواب.. وكان كاتب
يا حبيبة بابا.. لو انتي بتقري الجواب ده.. يبقى انتي شفتي القلب ورا ودن عمو.. وقلتي بابا هناك.. يبقى انتي لسه فاكراني.. وأنا لسه عايش جواكي.. أنا وصيت عمو يعمل القلب ده عشان يفضل يحميكي بعد ما أمشي.. عشان لما تخافي.. تبصي ورا ودنه.. وتفتكري ان بابا لسه بيحضنك.. أنا بحبك أوي.. وبطلب منك حاجة واحدة.. خلي بالك من ماما.. عشان ماما بتعيط كتير من غيري.. ولو شفتيها بتعيط.. بوسيها وقولي لها بابا هناك.. في قلب عمو
مقدرتش أكمل قراية.. وقعت على الأرض.. وبنتي حضنتني وبتقولي بابا هناك يا ماما.. بابا هناك
المدير قعد جنبي على الأرض.. وقال أنا آسف اني خبيت عليكي.. بس والله كنت بنفذ وصيته.. وكل مرة بنتك كانت بتشوف الوشم وتسكت.. كنت بحس انه لسه موجود.. وانه شايفنا
قلت له وانا بعيط هو كان عارف انها هتقول كده؟
قال آه.. قال لي بنتي ذكية.. وهتعرفه.. وهتقول بابا هناك.. وساعتها.. ادي لمراتي الجواب
مسكت الجواب وحضنته.. وبنتي خدت العلبة الخشب وحضنتها كأنها حضنة أبوها
ومن ساعتها.. بنتي بقت كل ما تشوف المدير.. تجري عليه وتبوسه ورا ودنه وتقول له بوسة للقلب
وهو بيعيط.. وبيشيلها ويقول لها القلب ده بتاعك انتي.. هيفضل هنا طول العمر
وأنا.. بقيت كل ما أشوف الوشم ده.. مبقتش أشوف مديري.. بقيت أشوف جوزي.. واقف بيضحك.. وبيقول لي مقولتلكش.. بنتنا هتعرفني.. حتى لو من قلب صغير ورا ودن صاحبي
بعد اليوم بتاع الحفلة ده.. حاجات كتير اتغيرت
أنا روحت البيت.. وبنتي نايمة في حضني طول الطريق.. وحاضنة العلبة الخشب كأنها لعبة.. وكل شوية تصحى تقول لي ماما.. بابا هناك صح؟
أقول لها آه يا حبيبتي.. بابا هناك.. في قلب عمو.. وفي قلبك انتي كمان
روحت البيت.. وحطيت الجواب على التسريحة.. وفضلت أقراه كل يوم.. كل يوم قبل ما أنام.. وكل يوم أول ما أصحى.. لحد ما حفظته
جوزي.. حتى وهو بيموت.. كان بيفكر فينا.. كان بيرتب لنا ازاي هنطمن من غيره
تاني يوم.. المدير بعت لي رسالة.. قال لي معلش لو امبارح كان يوم صعب عليكي.. لو عايزة تاخدي أجازة من الشغل.. خدي.. براحتك
قلت له لا.. أنا جاية.. أنا عايزة آجي
رحت الشغل.. وأول ما دخلت.. لقيته موطي راسه ومكسوف.. كأنه هو اللي غلطان.. مع انه معملش أي حاجة غلط
دخلت مكتبه وقلت له ممكن نتكلم؟
قال طبعا
قلت له أنا عايزة أشكرك.. بجد.. انت شيلت وصية تقيلة أوي.. سنة كاملة بتيجي وتروح وتصلح وتجيب طلبات.. وانت ساكت.. ومقلتش لحد انك موصى.. ده كتير أوي
قال ده صاحبي.. ده كان أخويا.. لو كان هو مكاني كان عمل أكتر من كده
قلت له بس انت مكنتش مجرد بتنفذ وصية.. انت كنت بتحبنا بجد.. وده كان باين
سكت.. وعينه دمعت تاني.. وقال أنا بعد ما