ابويا

ما بلغتيش البوليس على موضوع زي ده الست دي في خطر معاه عيالها
ارجوكي تتصرفي
رقيه
هو انت اكيد بتهزري طب ما احنا كمان في خطر مع ابوكي فكرنا ان احنا نروح نبلغ عنه بجد الست صعبانه عليا قوي بس انا مش عارفه عيالها عرفوا منين
ياسمبن
مش انت بتقولي وانت طالعه بواب العماره فضل يسالك طالعه ليه وعايزه ايه بالظبط ما يمكن هو اللي يكون كلم البنات
رقيه
طب انا عايزه اروح لها بجد لازم افهم منها هي ليه ساكته عليهم وهم بيعملوا فيها كده
ياسمبن
والنبي يا رقيه اقعدي ساكته مش لما نبقى نحل مشاكلنا احنا الاول نبقى نروح نحل مشاكل الناس قلبي واجعني قوي يا رقيه
رقيه
هو الدوا خلص ولا ايه هو انا يا حبيبتي مش لسه جايبه ليك الدواء من يومين هو راح فين
ياسمبن
هقول لك بس بالله عليكي ما تعملي مشاكل انا مش عايزه كل شويه يفضل يمد ايده عليك ابوك اخذ الشريط وراح باعه عشان خاطر يجيب فلوس يشرب بيها القرف اللي هو بيشربها
رقيه
انت عايزاني اسكت انا هفرج عليه الدنيا كلها دلوقتي وبعدها خرجت هو احنا بجد مش بنصعب عليك ده بنتك مريضه قلب تاخذ الدواء منها وتروح تبيعه
رقيه
هو انت بجد ابونا انا حاسه ان انت لقينا في الشارع انت ازاي بتتعامل معانا بالطريقه اللي انت بتتعامل بيها دي
الاب
والله صوتك عالي عليا طب انا هعرفك النهارده اعمل فيكي ايه وبعدها امسكني ضربني
وبعد شويه بكون قاعده انا وياسمين وبتبدا تهدي فيا
ياسمين
خلاص بقا يا رقيه حرام الي انتي عملاه في نفسك ده
رقيه بدموع
والله العظيم تعبت من كل الي بيحصل انا مش فاهمه هو بيتعامل معانا كده ليه والله العظيم سعات بحس ان احنا مش

بناتو
ياسمين
وطي صوتك بالله عليكي لاحسن ويدخل وساعتها مش عارفه هيعمل اي فيكي تاني
قوليلي بس هتعملي اي مع الست
بصراحه انا بقيت قلقانه عليها
رقيه
علي العموم بكره هنزل وروح ليها بس انا خايفه لا ولادها يعرفو وساعتها هتبقي مشكله كبيره
وبالذات انهم هددوها انهم لو دخلت حد الشقه تاتي هيحبسوها
ياسمين
يا خبر انا مش عارفه بناتها عاملين كده ليه ده ياريت ماما عايشه متعرفيش انا كنت هبقي عامله اي معاها
رقيه بحزن
ربنا يرحمها عارفه يا ياسمين لو شوفتي الست دي انتي هتحبيها وبالذات في وشها قبول مقولكيش ومش فاهمه ولادها بيعملو فيها كده ليه
ياسمين
معلشي يا حبيبتي وانتي كده كده
هتروحي بكره ليها وساعتها هتعرفي كل حاجه بس مقولتيش هتعملي لما تروحي هناك تاني اكيد البواب لما يشوفك هيكلم بناتها
رقيه
مفيش الا حل واحد علشان ادخل بيه
وتاتي يوم بكون واقفه قدام المرايه وبلبس النقاب
ياسمين
خلصي بقا يا رقيه مش معقول كل ده بتلبسي في النقاب بابا لو صحي وشافك هتبقي مصيبه
رقيه
خلاص خلصت وعرفتي لما بابا هيسالك عليا هتقوليلو اي
ياسمين
ايوه يا بنتي عارفه متشغليش بالك انتي ويلا بقا وبطلي رغي كتير بالله عليكي مش عاوزين مشاكل كفايه الي حصل امبارح
واول ما بلاقيها بتقول كده بنزل بسرعه
وبعد شويه بوصل الي بلاقي البواب بيقوفني
البواب
استني يا ست انتي طالعه لمين هو انتي مفكره انها وكاله من غير بواب
واول ما بشوفو بفضل اشاور بايدي
البواب.
اي ده هو انتي خارسه ولا اي
وفي الوقت ده بشاور براسي باه
البواب
طب قولي انتي طالعه انهي دور علشان ابقي عندي علم انتي طالعه عند مين
وفي الوقت ده بشاور علي الدور ال
البواب
ماشي با ختي اطلعي انا مش فاهم لابسالي الببتاع ده ليه
واول ما بسمعو بيقولي اطلعي بروح طالعه بسرعه وبفضل اخبط علي الست
الست
ايوه مين الي بيخبط وبتروح فاتحه
الست
انتي مين يا بنتي عايزه اي
وفي الوقت ده بروح رافعه النقاب الي اول ما بتشوفني بدخلني
الست بقلق
اي ده هو انتي جايه تاتي ليه لو حد من الولاد شافك هتبقي مصيبه هو انتي مكنتش موجوده
رقيه
اهدي بالله عليكي انا جيت علشان افهم في اي وبالذات ان ولادك ليه بيتعاملو معاكي بالشكل ده وبالذات يعني وشك بيبان انك كويسه ليه الجبروت من ناحيتك كده
رقيه
طب صلي علي النبي كده واحكي ليا براحه علشان انا دماغي وقفت هو في اي بالظبط
ومال الفلوس من الي ولادك بيعملوه معاكي
الست بحزن
ما هيه الفلوس هيه السبب في كل مصيبه تحصل
انا هتكلم معاكي يا بنتي علشان انا حاسه انك اد اي كويسه ومش هرتاح الا بالكلام معاكي
وبدات تفتكر الي حصل زمان لما كانت قاعده قدام جوزها في المستشفي
فلاش باك
سناء
اهدي بالله عليك يا ابراهيم وبلاش تتكلم وانت تعبان بالشكل ده
ابراهيم
سيبيتي يا سناء بالله عليكي انا لو متكلمتش وفهمتك علي كل حاجه مش هتفهمي انا عملت كل ده ليه
سناء
بس انا خايفه لا الكلام يتعبك مش اكتر علي العموم لو هترتاح لما تتكلم انا سمعاك
ابراهيم بتعب
انا كتبت ليكي كل حاجه يا سناء بيع وشرا وخوفت لا اخواتي ياخدو الفلوس ويستولو عليها لنفسهم وبالذات ان ابني مش موجود ومسافر مع امو ومن هو صغير ومش عارف اصلو
بالله عليكي يا سناء اول ما توصلي ليه اديلو حقو من الميراث وخدي حقك بما يرضي الله
سناء
يا خبر اي الي انت عملتو ده يا ابراهيم ومالك ببتكلم كده كان مبقاش في العمر بقيه
ابراهيم بتعب
ما فعلا زي ما بتقولي العمر مبقاش في حاجه اوعديني يا سناء اوعديني بلي وصيتك عليه انا انا عاوز اموت وانا مرتاح
سناء
اوعدك يا ابراهيم نام يا حبيبي وهعملك كل الي انت عاوزو
واول ما ابراهيم بيسمع كده بيتشاهد وروحو بتطلع
وساعتها سناء بتفضل تعيط
وبتعدي ايام العزا الي بتلاقي المحامي جاي ليها
المحامي
الاستاذ ابراهيم قبل ما يروح كان كاتب ليكي كل حاجه بيع وشرا علشان ميبقش في خلاف مع الورثه
اتفضلي علشان تمضي
وفعلا بتمضي واول ما بتمضي بيمشي المحامي الي بيجو ولادها وبيقولو
فاطمه
دا جوزك دا كان بيحبك بقا يا ماما معقول علشان خايف عليكي لا حد يضايقك كتب ليكي كل حاجه
فوزيه
علي ما قد مكنش بينزلي من الزور بس يلا عمل لينا حاجه عدله قبل ما يروح
سناء
كلام اي الي بتقولوه ده يا بنت انتي وهيه
ابراهيم كان كويس علي الاقل مكنش حد بيخش عليكم غيرو وفي الاخر تقولو كده
فاطمه
قصر الكلام يا ماما بصراحه كده انا مزنوقه في قرشين وانتي هتطلعي معايا جدعه وتديهوملي اكيد مش هتقولي لا
فوزيه
طبعا يا بنتي هيه ماما في منها اتنين
بقولك اي يا ماما بصراحه كده محمد جوزي جاب اخرو من الشغل لو بقا طلعتي جدعه معاه وفتحي ليه المشروع الي بيحلم بيه تبقي تشكري حالص
سناء بحده
حيلك حيلك منكم ليها الفلوس دي محدش هيلمسها ولا هتاخدو منها جنيه واحد
فاطمه
ليه يعني ان شاء الله هو تنتي هتخليليها جنبك ولا اي
الام بضيق
افتكروها زي ما تفتكروا انا قولت كلمه ولو سمحتم وسعو خليني ادخل انام
وبتروح سيباهم وبتدخل واول ما بتخدل بنكلم المخامي الي بتطلب منو ان يعمل ليها وصيه وانها اول ما تروح يبقي حق ابن ابراهيم محفوظ
وبره
فوزيه
بقولك