حكاية شيرين كامله
ده
انا مش طالبه
فلوس ولا دهب ولا حتيشقه مستقله زي باقي الستات انا كل الي طلباه انه يتعامل معايا برومانسيه يحسسني اني انسانه وليا قيمه عنده يقول لي كلام حلو يجيب لي هديه ولو بسيطه يحسسني انه بيحبني وبيفكر فيا
الكلام ده انا عمري مشوفته من جوزي عمره ما عبر لي عن حبه عمري مسمعت منه كلمه بحبك او اي حاجه من الكلام ده
جوزي فاهم الجواز واحده في البيت تخدمه وتخدم امه وتطبخ وتغسل وترتب البيت
وصلت اني فقدت الثقه في نفسي
بقيت افكر يمكن انا مش عجباه يمكن فيا حاجه وحشه يمكن فيا حاجه مش مرياحه
خلاني اشك في نفسي طول الوقت اسال نفسي انا مقصره في ايه مع جوزي
ايه الي مخليه يتعامل معايا بالاسلوب ده
الست متطلباتها بسبطه جدا وممكن تكون حاجات بالنسبه للراجل تافهه بس عند الست حاجه كبيره جدا
للاسف في ستات كتيره بتعاني من نفس مشكلتي بس معندهمش الجراه انهم يحكو ويشتكو
بصراحه انا كمان من النوع الي بتكسف اتكلم مع اي حد
دلوقتي فات سنه علي جوازي واهلي لاحظو اني خسيت واني نظراتي حزينه وبيسالوني بس عمري ماحكيت لهم السبب الحقيقي مقدرتش اعبر لهم عن الي جوايا
انا جيت احكي لكم هنا لان محدش يعرفني
وانا محتاجه اتكلم واشتكي لاي حد علشان مخنوقه
حاولت اغير من نفسي والبس واعمل شعري واحط ميك اب جربت معاه كل الطرق من غير اي فايده
انا دلوقتي عمري٢٢سنه وعايشه حياه زوجيه كئيبه وبارده هعمل ايه لما يكون عندي ٥٠ سنه
مش طالبه حاجه عيب ولا حرام انا طالبه اعيش حياه حلوه مع جوزي في الحلال
هتقولو لي اتكلمي معاه واشرحي
احب اقول لكم اني مره اتكلمت معاه واڼفجرت في العياط وطلعت كل الي جوايا
وهو كان قاعد بيسمعني وبس معملش اي رد فعل سمع كلامي وسكت
وبعد مخلصت كلامي قال لي بصي يابنت الناس انا كده ودي حياتي ودي طريقتي عيزاني اهلا وسهلا مش عيزاني خلاص
فكرت اطلب الطلاق بس محدش هيقتنع بالسبب ولو رجعت بيت اهلي مطلقه محدش هيسيبني في حالي والكلام هيكتر عليا واهلي هيتحكمو فيا اكتر من الاول
باقي حكايه شيرين
انتي مطلقه متلبسيش كده انتي مطلقه متخرجيش العين عليكي انتي انتي بالعربي هخرج من مشكله لمشكله اكبر هخرج من حياه كئيبه لحياه اكتر
حماتي طيبه جدا وبتعاملني احسن مايكون
بس انا مش قادره اتحمل الحياه الجافه دي
ايه يخليني اتحمل الحياه دي وانا لسه في البدايه كده هكبر قبل الاوان هعجز بدري
حتيلما
انا بجد تعبانه مش عارفه اغير من طبع جوزي ازاي ولا اطلب الطلاق ولا اتحمل واعيش باقي حياتي بالشكل ده
ارجوكم تدعو لي اوصل للقرار السليم الي يريحني واعرف اكمل حياتي انا بجد تعبانه
وحكيت لكم حكايتي علشان اقول لكل بنت
لازم تختاري صح ومتتسرعيش في الجواز والارتباط ولا تجذبك المظاهر والشكل الخارجي اختاري الشخص الي مهتم بيكي وسعادتك فارقه معاه وبيدور ازاي يشوفك فرحانه وسعيده
وبقول للاهل بلاش تسرعكم واستعجالكم علي جواز بنتكم يخليكم تختارو حد غلط او مش مناسب علشان كده انتم بتجنو علي بنتكم وتحكمو عليها تعيش حياه تعيسه وترضي بيها او تطلق وفي الوقت ده هتكون حياتها صعبه اكتر من الاول
اهم حاجه تختارو الي يسعد بنتكم ويراعي ربنا فيها وسيبكم
